Xelîl: Hêrişkarê Serêkanîyê ameyî tepiştene
Hetkarê Fermandarê Hêzanê Asayîşê Zereyî yê Wîlayetê Hesekê Mehmûd Xelîlî vat êyê ke tewrê hêrişê vera merdimanê Serêkanîyê bîyî, ameyî tepiştene û cipersayîşê înan dewam keno.
Mehmûd Xelîlî derheqê hêrişê vera merdimanê Serêkanîyê de ke badê serran agêrayî keyeyanê xo, eşkerayîye daye.
Xelîlî hêriş şermezar kerd û vat amancê nê hereketanê ferdîyan şiknayîşê asayîşî, astengkerdişê agêrayîşê înan o ke bi zorî cayê xo ra ameybî vetene û sistkerdişê cehdanê entegrasyonî yo.
Xelîlî wina dewam kerd: "Çarçewaya destkewtişê lezgînî de Hêzanê Asayîşê Zereyî tedbîrê asayîş û huqûqî yê hewceyan girewtî. Na çarçewa de kesê ke tewrê nê qewimîyayîşan bîyî, ameyî tepiştene. Operasyonê cigêrayîş û cipersayîşî yê vera kesanê bînan dewam kenê ke goreyê qanûnan hesab bidê."
Xelîlî vatke karê înan o yewin o yo ke vernîya heme hetanê ke wazenê rewşe ra feyde bivînê û kaos bivirazê, bigîrê.
Xelîlî vat seba pawitişê asayîşê hemwelatîyan seferê agêrayîşî yê Serêkanîyê demkî ameyî taloqkerdene û vat: "Badê ke rewşe bireso îstîqrarî û pawitişê temamî yê agêrayoxan bêro temînkerdene, seferî do reyna dest pêkerê."
