Wezîrê Edaletî Gurlek: 2028î de weçînayîşê Serokkomarîye yeno viraştene
Wezîrê Edaletî Akin Gurlekî derheqê weçînayîşê Serokkomarîye de ke seba 2028î yeno plankerdene, eşkerayî daye û venga rêxistinanê AKP’yî da ke Serokkomar Recep Tayyîp Erdogan reyna bêro weçînayene.
Wezîrê Adaletî Akin Gurlekî 18ê êlule de kombîyayîşê Serekîya Wîlayetî ya AKP’yî yê Edene de vat ke 2028î de seba reyna weçînayîşê Serokkomarî weçînayîşêk yeno viraştene û nê prosesî de berpirsîyarîyê muhîmî kewenê rêxistinanê partî ser o; programê "Seserra Tirkîya" ganî bi rayberîya Erdoganî dewam bikero.
Eşkerayîya Gurlekî yew roje badê vateyê Serşêwirmendê Serokkomarî Mehmet Uçumî ame ke ey weçînayîş seba 16ê nîsane 2028î – serrgêra referandumê Sîstemê Hukmatî yê Serokkomarîye – texmîn kerdbî; Gurlekî tarîxêko dîyar nêda.
Gurlekî derheqê prosesî de vat ke proses resayo "merheleyêka rinde", rêzkerdişê qanûnî yê ke ameyî amadekerdene, badê tesfîye û çekanronayîşê rêxistine kewenê meriyet û Paketa Hukmî ya 13. aşma teşrîna verêne de pêşkêşê TBMM’yî bena.
