TUÎK’î eşkera kerd: Nifus 6 aşman de 228 hezarî zêde bîyo
Nifusê Tirkîya nêmeyê serrî yê verênî de 228 hezar û 434 kesî zêde bîyo û hetanê 1ê Temmuze ra resayo 86 mîlyon û 320 hezar û 602 kesan.
Dezgehê Îstatîstîkî yê Tirkîya (TUÎK), îstatîstîkê nifusî yê demkî yê ke semedê demanê hîrê aşmeyan ameyê viraştene eşkera kerdî. Goreyê nê; nifusê welatî yo ke peynîya serra 2025î de 86 mîlyon û 92 hezar û 168 bi, 6 aşmanê verênan ê na serre de 228 hezar û 434 kesî zêde bîyo.
Nifus, dema 1ê Gulane û 1ê Temmuze de zî 123 hezar û 904 kesî bi berz.
Bi nê qeydeyî îtîbarê 1ê Temmuze ra nifusê welatî resayo 86 mîlyon û 320 hezar û 602 kesan.
Rêjeyê nifusê camêrdan se ra 50,01 (43 mîlyon û 170 hezar û 975 kesî), rêjeyê nifusê cinîyan zî se ra 49,99 (43 mîlyon û 149 hezar û 627 kesî) ameyo qeydkerdene.
Rêzbîyayîşê nifusê dînya de welato 18ine
Nifusê dînya resayo 8,2 mîlyaran. Tirkîya, goreyê pîlîya nifusî ra 194 welatan mîyan de rêza 18ine de ca girewt û %1ê nifusê dînya yê pêroyî pêk ard.
