Tugçe Tatarî: PKK’yî çîyo ke kewt milê ci kerd, dora dewlete ya

Rojnameger Tugçe Tatarî ard ziwan ke merasîmê veşnayîşê çekan ê  Casenê 11ê temmuza 2025î de ame kerdene, bertengêko tarîxî bi û vat PKK’yî bi qerarê feskerdiş û ronayîşê çekan  çîyo ke kewtê milê ci kerd, nika gerek dewlete gaman bierzo.

Tatarî îfade kerd ke proses çîyo ke nêpawite bi û vat tecrubeyo winayin çew têna eşkeno rayêk şahîdîya ci bikero. Tatarî vat tewiro hîsgêr ê dayîkanê haştîye û maresîmê veşnayîşê çekan ê gerîlayan helanê tewr bitesîrînan ra bî.

Tatarî îfade kerd kerd ke seba ke proses bibo komelkî û gerek rojnamegerî Îmrali û Qendîl zî tede bieşkê heme hetan de pêvînayîş bikerê  û vat zaf muhîm o ke fîkrê muxataban ê esasan bireso rayrapêroyî.

Tatarî ard ziwan ke gerek proses bi serûberkerdişanê qanûnî bêro pawitene û vat vînkerdişê wextî rîskê provokasyonan zêdîneno. Tatarî îfade kerd ke averşîyayîşo tewr muhîm o yo ke mîyêne serreke de pêkewtişan de vînîkerdişê ganan çîn o û vat no zî mojneno ke gerek prosesê haştîye bêro pawitene.

Tatarî ard ziwan ke PKK’yî babeta ronayîşê çekan  fesîhî de çîyo ke kewt milê ci kerd û vat vera ney serûberkerdişê ke dewlete vad kerdî nêardî ca, semedê averşîyayîşê prosesî gemê ke gerek bêrê eştene nêameyî eştene.

Tatarî ard ziwan ke hêvîya xo pawena û vat gerek kanalê resnayîşî bêrê akerdene, her kes bieşko qala hîkayeya xo bikero û rojnamegerî prosesî azad  teqîp bikerî.