Telefonê Walî Sonelî ame tedqîqkerdiş: 2 kesê bînî zî ameyî destbendkerdiş
Tehqîqatê Gulîstane Doku de 2 kesê bînî zî ameyî destbendkerdış. Di rojî verê cû zî mîyanê înan de cinîya walîyê Dêrsimî yê verênî Tuncay Sonelo ke tepişte yo zî estbî, 15 kesî ameybî destbendkerdiş.
Tehqîqato ke seba wendekara unîversîte ya Gulîstane Dokuya ke Dêrsim de 5ê Çeleyê 2020î ra nata vînîbîyayî ya yeno rayraberdiş de, di kesê bînî zî ameyî destbendkerdiş. Ame zanayîş ke çarçewaya tehqîqatî de netîceya tedqîqatê telefonê walîyê Dêrsimî yê o wextî Tuncay Sonelo ke tepişte yo, Enqere de 2 kesê bînî zî ameyî destbendkerdiş. Dozgerîye ra derheqê babete de hema yew eşkerayîye nêdîyaya.
21ê Temmuze de çarçewaya tehqîqatê Gulîstane Doku de bi talîmatanê serdozgerîyanê komare yê Erzirom û Dêrsimî; Xarpêt, Meletî, Enqere, Stenbol û Dêrsim de hemwext operasyonî ameybî viraştiş.
Têdegêr 15 kesî ameybî destbendkerdiş ke mîyanê înan de 3 doktorî, 1 hemşîre, 1 wezîfedarê karê malumatî, 5 personelê tewreyê daneyan, cinîya walîyê Dêrsimî yê verênî Tuncay Sonelî Handane Sonel, wayîrê şîrketê zanayîşî yo ke yeno texmînkerdiş telefonê Gulîstane Doku rê mudaxele kerdo, 1 merdimê karî û 2 cerdevanê asayîşî yê ke yeno vatiş bedenê bêganî yê Doku erd de nimitî, estbî.
Tehqîqato ke seba wendekara unîversîte ya Gulîstane Dokuya ke Dêrsim de 5ê Çeleyê 2020î ra nata vînîbîyayî ya yeno rayraberdiş de, averşîyayîşêko newe qewimîya.
