Tehqîqatê riçayîşê madenî de 9 destbendkerdişî
Tehqîqato ke derheqê riçayîşê madenî yê Anqara de dîya destpêkerdene, tede 9 kesî ameyî destbendkerdene.
Rijyayîşo ke vizêr qezaya Beypazarî yê Enqere de, Sazgehdarîyê Komirî yê Çayirhanî de qewimîya, tede karkerêkî cuya xo vînî kerde, 24 karkerî zî birîndar bîyî. Çarçewaya tehqîqatê cînayetê karî de ke dîyayo destpêkerdene, 9 kesê ke sahayê madenî ra berpirsîyar ê, ameyî destbendkerdene.
Çarçewaya tehqîqato ke hetê Serekîya Dozgerîya Komare ya Beypazarî ra dîyayo destpêkerdene de, ame eşkerakerdene ke 9 kesê ke sahayê madenî ra berpirsîyar ê ameyî destbendkerdene.
Ame vatene ke cenazaya karker Erdi Kahvecîyo ke riçayîş de cuya xo vînî kerda, şaristanê ci Bartin de do bêro definkerdene. 24 karkerê birîndarî zî wedarîyayî nêweşxaneyanê Beypazarî û Enqere. Ame eşkerakerdene ke rewşa 2 karkeranê birîndaran girana.
