Suleymancîyan rê 17 şaristanan de operasyon: Alihan Kuriş û 49 kesan rê qerarê destbendkerdişî
Ame zanayene ke dosya çarçeweya sûcanê malîyan ê rêxistinkerdeyan de yena rayaberdene û mîyanê îdîayanê ke gumanbaran rê yenê kerdene de; nêrayîrtî, pakkerdişê pereyanê sîyayan, şîrketanê bi sermayeyê pîlî ser o viraştişê têgêrayîşanê neqdîyan ê awarteyan û nêrayîrtîyê ke girêdayeyê hecmê tîcarîyî yê bi mîlyaran lîrayan ê, est ê.
Ame qeydkerdene ke dosyaya tehqîqatî de ame ercnayene ke mabênê awanîya sermayeyê tayê şîrketan û têgêrayîşanê pereyan ê ke înan viraştê de têkilîyê awarteyî est ê.
Ame musayene ke çarçeweya tehqîqatî de analîzê malîyî yê ke hetê Heyetê Cigêrayîşê Sûcanê Malîyan (MASAK) ra ameyê amadekerdene zî ameyê tehqîqkerdene. Goreyê îdîayanê mîyanê dosyaye, tespîtê ke vanê bi rayîrê tayê kes û şîrketanê ke yeno ercnayene bi rêxistine ra girêdaye yê, 100 Mîlyar Lîra ra zêdêr pere teberê welatî rê ameyo vetiş, yenê cigêrayene.
Ame eşkerakerdene ke transferê pereyan ê çimeyê teberê welatî zî ameyê girewtene binê kontrolî û îdîayê ke vanê; trafîkê pereyan de têgêrayîşê ke bi Îsraîlî ra girêdaye yê est ê zî, çarçeweya tehqîqatî de yenê cigêrayene.
