Sonay Menguytay ke badê 30 serran ameye veradayene: "Ma pêro parçeyê ravêrî yê"
Sonay Menguytay (52) ke 30 serrî yo Zîndanê Tîpê F ê No. 1 ê Kocaelî de tepişte ya, ameye veradayene. Menguytaya ke vernîya zîndanî de hetê keyeyê xo û temsîlkerdoxanê partîyanê sîyasîyan ra ameye pêşwazîkerdene, vat: "Ma pêro parçeyê nê ravêrî yê."
Sonay Menguytay ke 1996î de Erzîrom de ameybî tepiştene û demê tepiştişî de zîndananê cîya-cîyayan de mendbî, ameye veradayene. Menguytaye badê veradayîşê xo vernîya zîndanî de hetê keyeyê xo, MATUHAYDER’î, Têgêrayîşê Cinîyan ê Azadan (TJA) û temsîlkerdoxanê DEM Partî ra bi vilikan ameye pêşwazîkerdene.
Menguytaya ke bi tîlîlî û sloganê "Jin, jiyan, azadî" ameye pêşwazîkerdene, vat: "Wa 30 serrî şarê ma rê feda bibê."
Menguytaye vat ke a şa ya la eynî wext de xemgîn a ke embazê aye zîndan de mendî û derheqê ravêrî de vat: "Ma pêro parçeyê nê ravêrî yê. Destê ma ra çi bêro, ma hazir ê ke bikerê."
Menguytaye vat ke a hêvî kena ke embazê aye yê bînî zî demêko kilm de bêrê veradayene.
