SOHR: Artêşa tirke dewa Cilbire ya Efrîni ra peyser ancîya
Çimdarîya Heqanê Merdiman ê Sûrîye (SOHR) eşkera kerd ke dewleta Tirke dewa Cilbirê ya Efrîni ra ke zêdeyê 8 serran o kerdbî qerargahê leşkerî, peyser ancîyaya.
Goreyê zanayîşanê ke Çimdarîya Heqanê Merdiman ê Sûrîye (SOHR) çimeyanê herêmîyan ra girewte, badê peyser antena hêzanê artêşa Tirkîya, wesayîtê Hêzanê Asayîşê Zereyî yê girêdayê Hukmatê Demkî yê Sûrîya kewtî dewe. Tîman seba vetişê mayînan û mendeyê şerî, dest bi xebatanê cigêrayîş û pakkerdişî kerde.
Çimdaran dîyar kerd ke dewa Cilbire de ke tede zêdeyî 70 banî estê, beşêko zaf gird ê awanîyan wextê bombardûmanî de bi temamî yan zî qismê ke ameyê rijnayene.
Ame dîyar kerdene ke dewe mîyanê serran de vurîyaya xeta cephe û semedê bombardûmanê bê mabênî ban û awanî şarî zerarêko gird dîyo. SOHRî eşkera kerd ke badê îşxalê 8 serran, şênîyê dewe pawenê ke agêrê serê mal û milkê xo, la fikar û tersê serê estbîyayîşê mayînan û fîşekê nêteqayeyan hema zî dewam keno.
