Sêwreg de Konserê Evîn Duleke
Hunermende Evîn Duleke, 5ê Êlule de Sêwreg de vejîyena sehne ser. Konser, banê Komeleya Ziwan Kurdî de yeno viraştene û zaf muzîsyenê serkewteyî do hunermende rê hemrayîye bikerê.
Sêwreg de semedê heskerdoxanê muzîkî yew şewa weşe amade bena. Goreyê agahîyan, hunermende Evîn Duleke do 5ê Êlule de şaristanê Rihayî yê Sêwrege de yew konser bido.
Konser de tayê sazbend û muzîsyenê erjîyayeyî do ca bigêrê û Evîn Duleke rê hemrayîye bikerê. Kadroyê muzîsyenan bi nê hawayî yo:
Çello: Rûşen Arslanargun
Sentûr: Arslanarana û Nêrgîz Çelebî
Tembûr: Adar Bozaner
Perkusyon: Eda Tapanci û Bawer Tûran
Nê çalakîya hunerîye, Komeleya Ziwan Kurdî de yêna organîzekerdene. Şima eşkenê hûrgilîyanê konserî cêr de bivînê:
Tarîx: 5 Êlule (Îlon)
Saete: 20:00
Ca: Komeleya Ziwan Kurdî (Taxa Xeyrîye, Kuçeyê Şêx Lutfî No:45 - Verê Sewreg Grosse)
Bîlet: 500 TL
Îrtîbat û Rezervasyon: 0553 298 01 84
Semedê bîletan û rezervasyonî, eşkeno bi hûmara telefonî ya ke dîyaya, îrtîbat bêro ronayene.
