Serekkomarê Lubnanî Aoun şî Washington
Lubnano ke biyo yew cepheyê şerê Îranî, tede mabenê Îsraîl û Hîzbullahî de alozîye dewam kena. Seba çareserîye Îsraîl û hukmatê Lubnanî pêvînayîş kenê, la Hîzbullah û Îran nê rê vera yê. Serekkomarê Lubnanî Aouno ke wazeno na denklema zore/zehmete hênî bikero, şî Washington.
Eşkerayîya ke Serekkomarîya Lubnanî ra ameye dayene de ame vatene ke Serekkomar Joseph Aoun pîya bi cinîya xo Nimet Aoune saetanê sibayî de paytext Beyrut ra ver bi Washingtonî hereket kerdo.
Eşkerayîya ke tede ame resnayîş ke do mabenê Aoun û Trumpî de Qesra Sipîye de zîrveyê Lubnan-DYA (Dewletê Yewbîyayeyî yê Amerîka) bêro organîzekerdene de, ame qeydkerdene ke Serekkomarê Lubnanî do tayê selahîyetdaranê DYA dir zî pêvînayîş û îstîşareyan bikero. Ame îfadekerdene ke do pêvînayîşan de rewşa Lubnanî, domdarekerdişê adirbirnayîşî û seba newera ronayîşê asayîş û îstîqrarî yê pêro welatî û bitaybetî herêmanê başûrî gamî bêrê ercnayene.
Ame dîyarkerdene ke mevzuyê peyserancîyayîşê Îsraîlî yê erdanê Lubnanî yê îşgalkerdeyan ra û ronayîşê otorîteyê dewlete yê pêro herêmanê welatî zî do rojevê pêvînayîşan de bibê.
