Serekkomarê Iraqî: Îhtîyacîya Iraqî bi Koalîsyonê Mîyanneteweyî nêmenda
Serekkomarê Iraqî Nîzar Amêdîyî Kombîyayîşê Dîyalogî yê Bexdayî de dîyar kerd ke goreyê qanûnê bingeyî (destûr), ganî sîlehî tenya destê dewlete de bibê. Amêdîyî vat; "Koalîsyonê Mîyanneteweyî semedê şerê vera DAIŞ’î amebi Iraq, la nika îhtîyacîya Iraqî pê nêmenda û ê do heta 30ê Êlule hêzanê xo apey bîgirê."
Serekkomarê Iraqî Nîzar Amêdîyî Kombîyayîşê Dîyalogî yê Bexdayî de dîyar kerd ke goreyê qanûnê bingeyî (destûr), ganî sîlehî tenya destê dewlete de bibê.
Amêdîyî îfade kerd ke ê qebul nêkenê herra Iraqî vera welatêkê bînî bêro xebitnayîş. Derheqê dîyalogê bi komikanê çekdaran û têkilîyanê bi Îranî de zî ey va: "Îradeyêk esto ke kabîne wextêkê nêzdî de temam bibo. Ganî pê dîyalog û famkerdişî, sîlehê ke destê komikan de yê, teslîmê dewlete bibê. Otorîteya dînî ya Necefî zî wazena ke sîlehî kontrolê dewlete de bê."
