Serekdozgerê MCM’yî rîyê tacîzî ra wezîfe ra gêrîya
Serekdozgerê Mehkemeya Cêza ya Mîyanneteweyî Karim Khan, sûcê tacîzê zayendî ra wezîfe ra gêrîya.
Endamanê Mehkemeya Cêza ya Mîyanneteweyî (MCM), Serekdozgerê MCM’yî Karim Khan, bi sûcê tacîzê zayendî yê vera yew cinîya ke hetê ey de xebetîyêne, wezîfe ra girewt. Organê denetimî yê MCM’yî Meclîsê Dewletanê Tarafî (ASP), bi rayanê 82 endamanê mîyanê 125 endaman ra Karim Khan wezîfe ra girewt û resa a netîce ke ey “nêrayîrtîya ciddîye kerda û wezîfeyê xo bi awanêkê giranî îhlal kerdo”.
Karim Khano ke yew avukato brîtanyayij o, bi sûcdarîya tacîzê zayendî yê vera cinîyêka ke hetê ey de xebetîyêne, aşma Hezîrane de wezîfeyanê xo yê MCM’yî ra demkî ameybi dûrîvistiş. 125 dewletanê endamanê mehkeme ra 82yê înan seba wezîfera-girewtişê Karim Khanî ray dîye, 13 welatan vera ci ray dîye, 15 welatî zî bêteref mendî.
Rixmê wezîfera-girewtişê Karim Khanî, qerarê tepiştişî do merîyet de bimanê, çimkî nê qerarî tenya hetê hakîmanê MCM’yî ra eşkenê apey bêrê antene.
