Semedê konferansê 'Komara Demokratîke' yê 12ê Êlule vengdayîş
Serekê Rûmetî yê ÎHD’yî Akın Bîrdalî semedê konferansê "Seserra diyîne de demokratîkbîyayîşê komare û komelî" veng da pêro kesan. Konferans bi rayberîya Komeleya Dikanê Sosyolojî, Foruma Aştîye ya Îzmîrî, GOFOR û 27 vengdayoxan virazîyeno. Eşkerayîya çapemenîye Baroya Îzmîrî de ameye kerdene.
Bîrdalî vîr vîst ke Tirkîya bi serran o problemê tarîxî reyde rî bi rî ya. Derbeyê 27ê Gulane, 12ê Adare, 12ê Êlule û ravêrê 28ê Sibate mojnayî ke sîyaseto demokratîk binê hîkmetê asayîşê dewlete de mendo. 12ê Êlule seba sîyaset, huqûq, komel û ekonomîye yew qonaxêko tarîxî bi. No teyna zereyê Tirkîya de nê, ravêrê globalî ra zî girêdaye bi.
‘Bingehê zafrengîye de demokrasî’
Bîrdalî bale ant texrîbatê xozayî ser û vat: "Talanê xozayî bi krîzê îqlîmî dewam keno. Amancê fahmkerdişê vîyarteyî, ronayîşê seserra diyîne yo. Demokratîkbîyayîşê komare, teyna vurnayîşê huqûqî nîyo; newera awankerdeyê têkilîya dewlete û komelî yo. Komara Demokratîke û komel, hetê hemwelatîya têdûşte, azadîye û zafrengîye ra yewbînan temam kenê."
‘Ganî ma hêzê komelî pîl bikerê’
Bîrdalî kerd eşkera ke ê do Îzmîr de bêrê têhet ke dînamîkê komelî pîya bixebitîyê. Amanc, pîya fikirîyayîşê yew komara newîye yo. Bîrdalî vat: "Ma wazenê nifş û tecrubeyan bîyarê têhet û serê têdûştîye, edalet, azadîye û aştîye de yew raye awan bikerê. Demokratîkkerdişê seserra diyîne, teyna vurnayîşê dewlete nîyo; wextê pîlkerdişê hêzê komelî yo."
Bîrdalî venga heme derûdoran da ke beşdarê konferansî bibê.
