Şehîd Axîne Koçber ameye oxirkerdene

Cenazeya şervana YPJ’yî Axîne Koçber (Rozîve Mihemed) ke 9ê kanûne 2024î de Minbic de sereyê wezîfeyê xo de şehîd bîye, ewro bi merasimo ke Şehîdgehê Şehîd Rustem Cûdî yê dewa Berkevirê Dirbêsîye de ame viraştene, rayîrê xo yê peyênî de ameye oxirkerdene.

Merasimî de rêxistinê komelê sîvîlî, meclîsî, endamê Qewetanê Asayîşê Zereyî, temsîlkarê partîyanê sîyasî û bi seyan kesê şaristananê Dirbêsîye û Serêkanîye beşdar bîyî. Merasimo ke bi rêzgirewtişî dest pêkerd, endama Meclîsê Keyeyanê Şehîdan ê Serêkanîye Zehra Qido keyeyanê şehîdan rê serweşî waşte û vat: "Ewro tîya de bîyayîşê ma bi saya fedakarî û qehremanîya şehîdan o."

Apê Şehîd Axînî Xelîl Zekîyî vat ke ê do rayîrê şehîdan de şêrê û venga herkesî da ke wayîrê destkewteyanê şorişî bivejîyo. Badê qiseykerdişan belgeyê şehadetê Axîne Koçber ame wendene û teslîmê keyeyê aye bî. 

Merasim bi definkerdişê cenaza Şehîd Axîne Koçber bi sloganan qedîya.