Seba Komara Demokratîke û Aştîye 1001 îmzayî
Metnê "Seba Komara Demokratîke û Aştîye 1001 Îmzayî", ewro bi yew kombîyayîşo ke Stenbol de virazîyeno, do rayaumûmî û medya reyde bêro parekerdene.
Tewrbîyayoxê ke bi waştişê aştîya komelkîye û ameyoxêko demokratîk yenê têhet, Stenbol de yew kombîyayîşêko muhîm virazenê. Metno hempar o ke çarçewaya kampanya "Seba Komara Demokratîke û Aştîye 1001 Îmzayî" de ameyo amadekerdene, bi yew kombîyayîşê çapemenîye û rayaumûmî ke do bi tewrbîyayîşêko hîra bêro viraştene, komelî reyde do bêro parekerdene.
Afîş de pepûgo ke aştîye û hêvîye temsîl keno, lîçikê zeytûnî û fîgurê merdimanê renganê cîya-cîyayan ê ke mil dayo milê yewbînan, bi hawayêko vîzual (dîdarî) paştî danê xisletê himbêzkerî yê kampanya.
Yew tarîxo sembolîk: 12ê Êlule
No kombîyayîşo ke îmzakerdoxî û pêro dostê tewrbîyayoxî rê ameyo vengdayene, do tarîxê 12ê Êlule de ke tarîxê sîyasî yê Tirkîya de şopê xorînî verdayê û sembolê derbeyan o, bêro viraştene. Vengdayîşo ke seba awankerdîşê yew komara demokratîke yeno kerdene, xususen nê tarîxî de rayaumûmî rê eşkerakerdîşê ci, yew mesajo zaf manîdar dano.
Detayê Kombîyayîşî
Tarîx: 12ê Êlule
Saete: 11.00 - 14.00
Ca: Merkezê Kulturî yê Eyupsultanî, Salona Tîyatroyî | Îstanbul
