'Seba çareserîya mendî ganî statuyê Abdullah Ocalanî bêro zelalkerdene'
Kamuran Tanhanî ard ziwan ke qanûnê çarçewa seba çareserî destpêkerdişêko muhîm o la kêmîyê ci est ê û vat, seba çareserîya mendî ganî rolê ci yê prosesî, statuyo huqûqî û şertê xebatî yê Rayber Apoyî bêrê zelalkerdene.
Wekîlê DEM Partî yê Mêrdînî Kamuran Tanhanî ard ziwan kêmîyê qanûnê çarçewa est ê la serûberkerdişê qanûnî yê ke do ewroyî ra tepîya bêrê kerdene seba înan binge û metnê refernasî yo.
Tanhanî îfade kerd ke bitaybetî heyetê ke madeyê 7ine de ca genê do caardişê prosesî de rolê muhîmî kay bikerê û vat, qanî Qanûnê Têkoşînê Vera Terorî û mevzûatê Muhakemeyê Înfaz û Ceza de bedilnayîşî bêrê kerdene.
Tanhanî ard ziwan qanûnê çarçewa meseleya kurdan têna bi çekeronayîş û prosesê feskerdişî sînordar keno ke na kêmî ya û vat ganî Qanûnê Têkoşînê Vera Terorî bêro wedaritene û serûberdişê înfazî yê tepişteyanê sîyasîyan bêrê bedilnayene.
Tanhanî bale ante rolê Rayber Apoyî ser û vat, ''Şima nêeşkenê yew muzakerewanê serekî statuyê mehkumêkî de tepişê û prosesêkî rayra berî.'' Tanhanî vat caardişê şertanê cuya azade yê Rayber Apoyî sernameyanê muhîman ê prosesî ra yew o.
Tanhanî îfade kerd ke problemê komelî yê bawerî bi dewlete û îqtîdarî est o û vat la narey îradeyêko sîyasî yo xurtêr est o, ganî têkoşînê haştîye ewroyî ra tepîya bêro xurtêrkerdene.
