Şarê Rojawanî seba şervan Sîpanî ke ame qetilkerdene, warişt payan ser
Şervanê Tûgayê Hesekê Sîpan (Samî Şêxmûs Hiso) ame ramnayene û qetilkerdene. Çilaxa, Hesekê, Girkê Legê, Tirbespiyê, Dirbesiyê û Dêrikî de bi rayraşîyayîşanê girseyî ame waştene ke wa qetilkeran ra hesab bêro persayene.
Rojawan de şar seba Şervanê Tûgayê Hesekê Sîpan (Samî Şêxmûs Hiso) yo ke hetê grûbanê çekdaran ra ame ramnayene û qetilkerdene, vejîya kuçeyan.
Rayraşîyayîşê ke Qamişlo, Çılaxa, Girkê Legê, Hesekê, Tirbespî, Dêrik û Dirbêsiyê ame kerdene, qetilkerdişê Sîpanî ame şermezarkerdene û ame waştene ke wa kiştoxî vejîyê werte û înan ra hesab bêro persayene.
Çalakîyan de veng dîya hukmatê demkî ke wa cipersayîşo zelal bêro rayraberdene û berpirsîyarî bêrê muhakemekerdene. Eşkerayîyan de vera provokasyonan mesajê yewîye û haştîya zereyî vejîya vernî.
