Şarê Kobanê bi slogana 'Bê ziman jiyan nabe' vejîya kuçeyan
Kobanê de bi hezaran kesî seba ke perwerdeyê ziwanê kurdkî bêro pawitene û qerarnameyo ke hukmatê demkî yê Sûrîya vera perwerdeyê ziwanê dayîke girewte wa bêro betalkerdene, vejîyayî kuçeyan.
Kobanê de bi hezaran kesî vera qerarnamyê Wezaretê Perwerdeyî yê hukmatê demkî yê Sûrîye yo ke perwerdeyê kurdkî sey hewte 3 reyî ardo war, vejîyayî kuçeyan. Rayraşîyayîşo ke Meydanê Cinîya Azade de ame destpêkerdene heta Meydanê Haştîye dewam kerd.
Rayraşîyayîş dePankartê "Şêrîn û xweş e zimanê Kurdî" û "Bê ziman jiyan nabe" ameyî kiriştene.
Mamostaya kurdkî Meryeme Abid ard ziwan ke 14 serrî yo ziwanê xo de perwerde vînenê û vat,’’ Ma bê ziwan êeşkenê biciwîyê. Ziwanê ma xeta ma ya sûr a.’’
Wendakar Dilovan Eloyî zî vat ê teberê kurdkî de yewna ziwanî qebul nêkenê.
Mamosteyê kurdkî Caklîn şêx Xidorî zî qerar sey qirkerdişê ziwanî name kerd û vat, ‘’ Eke no qerar nêro bedilnayene, ma mektebanê xo zî anêkenê.
Şêx Yihha Goraxlîyî zî hewte de 3 dersê kurdkî qîm nêkenê û vat ê nê qerarî red kenê.
