SAMER’î serkewtişê 'Partîya YENÎ’yî' ser o analîzê sosyal medyayî weşana
SAMER’î, mabênê 23–27 Temeze 2026î de platformê X’î ser o 4.487 paykerdişan ser o yew analîz viraşt û munaqeşeyê Partîya YENÎ’yî ser o raporêk weşana. Gorê raporî, nê munaqeşeyî teyna awankerdişê partiyêka neweye ser o nêçerxiyenê; krîzê CHP’î, temsîlo sîyasî, newera-sazkerdişê moxalefetî û performansa serekîya Ozgur Ozelî yenê munaqeşekerdiş. Tarîxê 24ê Temuze û sembolizmê Lozanî zî, mîyanê tabanê kurdî û muxalîf de fikrê ciyayî vetê meydan.
Merkezê Cigêrayîşî SAMER’î, mabênê 23–27 Temeze 2026î de platformê X’î (Twitter) ser o, rîyê qerarê Ozgur Ozelî yê Partîya YENÎ’yî ra 4.487 paykerdişî bi medeyê analîzêki ser o çim ra viyarnayî. Analîzê tematîkî de 13 sernameyê esasîyî ameyî destnişankerdiş.
1. Rayîrêkê vejiyayişî yo mecburî yan parçebîyayiş?
Gorê analîzi, taban ra tayê merdimî qerarê Partîya YENÎ’yî sey ‘çareyo mecburî, xoverdayîş û rîskê hewayêkê neweyî’ vînenê; ê bînî zî na gamî sey ‘parçebîyayiş, nehewtîyaye û nêdîyarîye’ name kenê. Paykerdişan de temayo tewr gird, "Mîrasê CHP’î kam o û îradeyo weçinikte senî yeno pawitiş?" bîyo.
2. Serekîya Ozgur Ozelî û tede-hesabkerdişê Kiliçdarogluyî
Ozgur Ozelî ser o, ey sey "sereko ke zextan ra peyde nêmano û iradeyî paweno" dano şinasnayîş; o bîn zî, "îdarekerdişê kehenî nêşeno biwergirno û nê qerarî de xeylê erey mendo" vano. Kiliçdaroglu zî mîyanê nê munaqeşeyan de sey aktorêkê sembolikî ca gêno. Tayê merdimî viraştişê na partîye, sey hesabkerdiş û cîyabîyayîşêê xeta Kiliçdarogluyî dîyenê.
3. Cagirewtişê Îmamoglu ve Yavaşî
Paykerdişan de tewr zaf ameyo perskerdiş ke Ekrem Îmamoglu û Mansur Yavaş do nê halî de kamci het de ca bigîrê. Merdimî na partiye teyna serekîya Ozgur Ozelî ra Îbaret nêvînenê, girdiya serkewtişî girêdayê na di rayberan vînenê.
4. Sembolizmê Lozanî û hafiza sîyasîya kurdan
Partîye qerar da ke 24ê Temuze (sergêra Peymana Lozanî) de bêro awankerdiş. Na hete ra paykerdişî bîyê hîrê (3) leteyî:
Hetgirî: Lozanî sey "senedê tapûyo resmî" vînenê û vanê na partiye mîrasê esaso kehen dewam kena.
Muxalifî: Vanê ke viraştişê partîyeka neweye a roje de, mîrasê Ataturkî parçe keno.
Hafiza sîyasîya kurdî: Gorê şirove û analîzê sîyasîyê kurdan, Lozan roşanêk nîyo; qebûlnêkerdiş û înkarê statuyê kurdan o. Sembolizmê 24ê Temuze, tabanê kurdan mîyan de bêsawitiş, guman û ters viraşto. Hem zî yeno perskerdiş ke partîye do meselaya kurdî teyna çarçiweyê "asayişî" de bigîro yan na meselayî ra çareyêko demokratîk bîyarê.
SAMER’î peyniya raporê xo de wina vat: "Partîya YENÎ’yî hema merdiman mîyan de ne yew çepêko bîyamaye ya zî çepêko binkewte ya. Mîyanê hêvî û bêsawitişî de, yew îhtimalo siyasîyo newe yo."
