Roniştişê 11in yê Dewaya 19 rojnamegeran taloq bî
Amed de dewaya 19 rojnameger û xebatkaranê çapemenîye ke bi îdîaya "endamîya rêxistine" yenê muhakemekerdene, roniştişê ci yê 11in vîyart. Heyetê mehkeme qerar da ke şertê kontrolê edlîyî dewam bikerê û roniştiş taloqê 10ê Teşrîna Peyêne kerd.
Amed de Mehkemeya Cezaya Girane ya 4ine de roniştişê 11in yê dewaya 19 rojnameger û xebatkaranê çapemenîye dest pêkerd.
Nê kesî bi îdîaya "endamîya rêxistine" yenê muhakemekerdene û nameyê înan nê yê: Serdar Altan, Mehmet Alî Ertaş, Azîz Oruç, Zeynel Abîdîn Bulut, Omer Çelîk, Mazlum Dogan Guler, Îbrahîm Koyuncu, Neşe Toprak, Elîf Ungur, Abdurrahman Oncu, Mehmet Şahîn, Lezgîn Akdenîz, Suat Doguhan, Ramazan Gecîken, Esmer Tunç, Mehmet Yalçin, Kadîr Bayram, Remzîye Temel, Berîvan Karatorak û Servet Yîgen.
Roniştişo verên de seba ke pawitişê esaso ke ameyêne kerdene amade bibê, dewa ameybî taloqkerdene. Avukat Resul Temur û rojnamegere Elîf Ungur a ke yena muhakemekerdene, tewrê roniştişî bîyî. Salona roniştişî de Komeleya Rojnamegeran a Dîcle Firatî (DFG) zî ca girewt.
Pawitişî ra dima, heyetê mehkeme qerar da ke şertê kontrolê edlîyî dewam bikerê û seba mutalaya dosya şawite dozgerîye. Roniştiş, taloqê 10ê Teşrîna Peyêne, saete 10:05 bî.
