Rastkerdişo çar serre ame wedartene

Bankaya Merkezî ya Komareya Tirkîya (TCMB), rastkerdişo ke qandê (seba) qezenckerdişê sîstemê fînansalî yê zernanê fîzîkîyan bi, wedart. Hukmanê newe yo ke 22ê Tebaxe de Rojnameyo Fermî de weşanîya, Serekê TCMB’yî do bîyaro ca.

Bi “Teblîgê Wedardişê Merîyetî yê Teblîgo Derheqê Qezenckerdişê Sîstemê Fînansalî yê Warlixanê Fîzîkîyan ê Zernî de (Hûmare: 2022/11)” (Hûmare: 2026/12) yo ke hetê TCMB’yî ra ame amadekerdene, rastkerdişê 14ê Adara 2022yî bi temamî merîyet ra ame wedardene.

Rastkerdişî, esasê daxilkerdişê sîstemê fînansalî yê zernanê fîzîkîyan ê nişteciyanê zereyê welatî kifş kerdêne. Çarçewaya tetbîqkerdişî de, qezenckerdişê sîstemî yê zernanê fîzîkîyan bi wasitayê bankayan û bi şertanê dîyarkerdeyan açarnayîşê înan bi hesabanê mewdûatê lîraya tirkan yan zî hesabanê tewrbîyayîşî mimkun amebî kerdene.

Ame vatene ke qerar, milkîyet yan zî qîymetê zernanê fîzîkîyan ê ke destê kesan de yê, rasterast tesîr nêkeno; rastkerdişo ke merîyet ra wedarîyayo, tenya tetbîqatê derheqê qezenckerdişê sîstemê fînansalî gêno xo mîyan.