Parlak: Badê qanûnê çarçewa do verê gamanê qanûnîyan ê neweyan bêro akerdene
Wekîlê DEM Partî yê Colêmergî Vezîr Parlakî ard ziwan ke qanûn seba çareserîya demokratîke ya meseleya kurdan gama verên a û vat ganî proses bi gamanê sîyasî û qanûnî yê neweyan bêro averberdene.
Wekîlê DEM Partî yê Colêmergî Vezîr Parlakî îfade kerd ke badê qanûnê çarçewa ke meclîs de bi 468 rayan ame qebulkerdene, proses kewt merhaleya înşayê komelê demokratîkî.
Parlakî îfade kerd ke qanûn meseleya kurdan çareser nêkeno la verê ci akeno ke bi rayîrê dîyolog û muzakere bêro destgirewtene. Parlakî ard ziwan ke kêmîyê qanûnî est ê û vat bitaybetî nasnêkerdişê statuyê Rayber Apoyî kêmîyêka muhîm
Parlakî îfade kerd madeyê qanûnî kêm ê û nê vatî: ‘’ Mesela statuyê Birêz Ocalanî nêameyo naskerdene ke na kêmîya pîl a. Her kes zano ke no proses bi xeyrê Birêz Ocalanî heta nê rojan ame. Birêz Ocalan statuyê xo verê nê prosesî de metepişo zî, şarê ma, ma statuyê ci wazenê.
Parlakî îfade kerd ke qanûn ganî verî kombîyayîşê MGKyî de bêro destgirewene, hetê serekkomarî ra bêro qebulkerdene û rojnameyê fermî de bêro weşanayene û vat dima ra do koordînasyon û mekanîzmayê çimdarî bêrê pêardene. Parlakî vat seba ke qanûn bi 6 aşman sînordar o, proses ganî lezabeze bêro averberdene.
Parlakî vat ê do rojanê verê ma de şarî reyde zafêr bêrê têhet, hetanê cîyayan de kombîyayîş û zîraretan bikerê û vat, ‘’ewroyî ra tepîya proses hinî prosesê înşayê komelê demokratîk o.’’
