Paris de Riza Altun û Şehîdê Azadîye ameyî vîrardene
Paris de Riza Altun û şehîdê ke demê peyênî de nasnameyê înan ameyî eşkerakerdene, ameyî vîrardene. Qiseykerdişan de ame vatene ke ganî mîrasê têkoşînê şehîdan bêro wayîrvejîyayene û têkoşînê înan bêro domnayene.
Paytextê Fransa Paris de seba kadroyanê ronayoxan ê PKK’yî ra Riza Altunî ke 25ê Êlula 2019î de şehîd bi û gerîlayê ke şehadetê înan demê peyênî de ame eşkerakerdene, aktîvîteya vîrameyîşî ameye organîzekerdene.
Vîrameyîşo ke xeylê kesî tewrê ci bîyî, bi rêzgirewtişê seba Şehîdanê Azadîye yê Kurdîstanî ame destpêkerdene û dima ra hunermendo kurd Hekîm Sefkanî şîîre wende.
Şenge Kahramana ke bi nameyê Komela Keyeyanê Şehîdan (KOMAW) qisey kerd, vat ke ganî mîrasê têkoşînê şehîdan bêro wayîrvejîyayene û seba xurtkerdişê têkoşînî veng da. Waya Riza Altunî, Xezale Altun zî vat ke ganî kede û têkoşînê şehîdan nêro vîrakerdene.
