Pakîstan de hêrişê nokta ya polîsan: 24 merdî, 28 birîndarî
Pakîstan de, herêma Hangu ya Xayber Paxtunxwa de, yew qereqolê polîsan rê hêriş ame kerdene; 9ê ci polîsî, 24 kesî merdî û 28 kesî zî birîndar bîyî.
Pakîstan de, eyaletê Xayber Paxtunxwa, herêma Hangu de yew nokta ya polîsan rê kesanê çekdaran ra hêriş ame kerdene; 9ê ci polîsî, 24 kesî merdî, 28 kesî zî birîndar bîyî. Goreyê xebera rojnameyê Dawnî ya ke Mufetîşê Pêroyî yê Polîsanê Xayber Paxtunxwa, Zulfîqar Hamîdî ra daya, hêriş şanê çarşembeyî nokta ya polîsan a "Hazina Banda" rê ameyo kerdene.
Hamîdî va ke kesanê çekdaran verî hêrişê nokta ya polîsan kerdo, dima ra zî hêzê polîsan ê ke seba paştîdayîşî ameyê, fînayê kemîn. Ame vatene ke wextê hêrişî de yew wesaîtê polîsan ê zirxinî zî xesar diyo. Hamîdî ard ziwan ke "15 hêrişkarî ameyê kiştene û tayê zî birîndar bîyê."
