PAJK: Azadîya Rayber Apoyî temînatê aştîye yê Rojhelatê Mîyanênî yo

Koordînasyonê Partîya Azadîya Cinîyan a Kurdîstanî (PAJK) bi wesîleya serrgêra 28. ya Komployê Mîyanneteweyî yê 9ê Teşrîna Verêne yê 1998î eşkerayîyêk daye. 

Eşkeraya PAJK’î de wina ya:

Azadîya Rayberê Şarê Kurdî Abdullah Ocalanî temînatê aştîye yo û vat: "Ma komployê 9ê Teşrîna Verêne ke şexsê Rayberê ma de vera îradeyê şaran û cinîyan sey polîtîkayêka qirkerdişî ame kerdene, bi hêrs û nefret şermezar kenê. Ma şehîdanê xo yê ke bi slogana 'Şima nêeşkenê roja ma tarî bikerê' dormeyê Raybertîye de xelekêkê adirî afernayî, bi hurmet û minet vîr anê û soza serfîrazîye danê ke bi serxistişê têkoşînî verpers bidê vîrameyîşê înan.

Şerê Dinyayo 3. 

 “Bi komployê mîyanneteweyî ameyêne waştene ke Rojhelatê Mîyanênî de Şerê Dinyayo 3. bêro destpêkerdene û şarê kurdî bêro qirkerdene. Rayberê ma ke planê hêzanê mîyanneteweyîyan dîyî, seba pûçkerdişê nê planan xebitîya û paradîgmaya demokratîke, ekolojîke û azadîpawitîya cinîyan afernaye. Hêzanê komplogêran her çiqas hêrîşê projeyê azadîya cinîyan kerd û polîtîkayê şerê taybetî yê giranî meşnayî zî, paradîgmaya azadîye ya Raybertîye bîyê vîla û resaye asta gerdûnî. Komplo eynî wext de vera cografyaya Rojhelatê Mîyanênî û şaranê ci yê qedîman bi. Fikrê Rayber Apoyî û têgêrayîşê ma yê azadîye, vernîya talankerdişê çimdarîyê binerd û sererdî yê na herreyê de sey astengîyêk ameyî dîyene. Rayber Apo, rixmê tecrîdê mutleqî yê Îmraliyî zî, uca kerd merkezê îdeolojîya azadîya şaran. Ey vera sîstemê îşkenceyî de bi felsefeya neteweya demokratîke, çareserîya aştîyane û nêzdîbîyayîşê ekolojîkî, alternatîfê şaran aferna.

Herêma ma de ewro qirkerdişî û qirkerdişê ekolojîkî zêde bîyê û qirkerdişêko sey yê Xezeyî ferz beno. Seba Ravêrê Aştîye û Komelê Demokratîkî, têgêrayîşê ma gamê şênberî eştî. La hetê dewleta Tirke ra tu bedilîyayîşêkê zîhnîyet û polîtîkayî nêaseno. Heta ke şert û mercê Rayber Apoyî nêrê bedilnayene û îmkanê xebat û îrtîbatî nêrê afernayene ke bikêro rolê xo yê koordînatorîye kay bikero, nêbena ke no ravêr aver şoro. Dewleta Tirke ganî na firsenda ke Rayberê ma pêşkêş kerda, reyna nêrewna. Eke nêwazeno se serrê bînî zî vîndî bibê, ganî nêzdîbîyayîşêko stratejîk bimusno û ziwano sîyasî bibedilîyo.

Sey azadîya xo bivînê

Şarê Kurdî, cinîyî û hêzê sosyolîst û demokratîkî ganî azadîya Rayber Apoyî sey azadîya xo bivînê û seba azadîya fîzîkîye ya ey têkoşîn bikerê. Azadîya Rayber Apoyî temînatê aştîya Rojhelatê Mîyanênî yo. Ma sey cinîyan bi qerar ê ke hîna xurt û bi rêxistinî tewrê têkoşînî bibê, cîyawîya demokratîke û komînale biafernê. Serra 28. ya komployî de ma do bi ruhê 'şima nêeşkenê roja ma sîya bikerê' têkoşînî berz bikerê û no do bibo verperso tewr biwate yê ma yê vera komployî.”