Nobeta Azadîye: Teberê Haştîye û Komelê Demokratîkî de yewna rayîr çîn o
Nobeta Azadîye ke Strasbourg de seba azadîya fîzîkî ya Rayber Apoyî yena rayraberdene, hewteyê 742. de ya. Çalakwanan veng da dewlete tirke ke wa gamanê huqûqî û sîyasîyan bierzo.
Nobeta Azadîye ke hezîrana 2012yî ra nata bajarê Strasborugî yê Fransa de herêma dezgehanê Yewîya Ewropa de bêmabên yena domanyene, hewteyê 742. dewam kena. Nobete no hewte hetê grûba newî ra ameye dewrgirewtene.
Mahsum Nisêbînî, Hasan İsbert, Serhat Mahmuk û Şivan Ozlu ke bajarê Aargau yê Swîsre ameyî, nobete dewr girewte.
Mahsum Nisêbînî ke bi nameyê grûbe qisey kerd, bale ante ser ke nobete seba azadîya fîzîkî ya Rayber Apoyî 14 serrî yo bêmabên yena domnayene û vat azadîya Rayber Apoyî azadîya şarê kurdî ya.
Çalakwanan veng da dewlete tirke ke wa gamanê huqûqî û sîyasîyan bierzo û şarê kurdî ra zî waşt wa wayîrê hemleya haştîye û komelê demokratîkî bivejîyo.
