Netanyahu: Tirkîya Sûrîye de 50 qatê ci kontrol kena
Vejiya ra werte ke Serekwezirê Îsrailî Benyamin Netanyahu, pêvînayîşê xo yê Serekê DYA’yî Donald Trumpî de yew xerîteya Sûrîye veta û cayê ke Tirkîya îşgal kerda, mojnayo.
Goreyê xebera ke Axios'î yew selahîyetdarê Îsrailî ra girewta; Netanyahuyî pêvînayîşê Qesra Sipî de yew xeritaya Sûrîye daya Trump'î û xerîta ser o dayo zanayiş ke, erdê ke Tirkîya Sûrîye de îşgal kerdê, erdanê ke Îsrail'î işgal kerdê înan ra "50 qatêr gird ê". Ame vatene ke Netanyahuyî vato: "Erdê ke Tirkîya Sûrîye de kontrol kena, erdê ma ra 50 qatêr gird ê."
Goreyê xebere ra, yew selahîyetdarê Îsrailî iddia kerd ke Tirkîya se ra 5ê (5%) Sûrîye, Îsrail ke se ra 0,1ê (0,1%) ci kontrol keno. Selahîyetdarê Îsrailî da zanayiş ke Netanyahuyî vato ke heta ke "grubanê cihatçiyan" ra yew tehlûke bibo, Îsrail do başûrê Sûrîye de "mintiqaya tamponî" de menda xo biramo.
