Moskowayî 325 dronê Ukraynayî vistî war
Wezaretê Pawitişî yê Rûsyaye da zanayene ke mîyanê 12 saetan de 325 dronê Ukraynayî ameyî warvistene, heman wext de rayedarîyanê Ukrayna dîyar kerd ke Rûsya şewêk de hêrişêko pîl ê bi mûşek û dronanê hewayî hêriş pê arda.
•
1 deqe xwendin
Wezaretê Pawitişî yê Rûsyaye dîyar kerd ke hêzanê ci yê hewayî mabênê saete 08:00ê şanî yê Pancşemeyî û saete 08:00ê sibayî ya Îneyî de serê 16 herêmanê Rûsyayî û her wina Deryayê Azovî û Deryayê Sîyayî de 325 dronê Ukraynayî asteng kerdî û vistî war.
Hêza Hewayî ya Ukraynayî eşkera kerd ke Rûsya hêrişê xo yê şewî de 614 çekê hêrişê hewayî şuxulnayî, dronî, mûşekê balîstîkî û mûşekê krûzî zî înan mîyan de yê, û destnîşan kerd ke înan ra 577 teneyî ameyî warvistene yan zî ameyî bêtesîrkerdene.
