Mimmo Lucano: Ganî Ocalan azad bibo
Parlamenterê Parlamentoyê Ewropa Mimmo Lucanoyî seba azadına Rayberê Şarê Kurdî Abdullah Ocalanî reng da û vat: ‘’Ganî Ocalan bibo azad û sey aktorêkê serekî yê nê ravêrî ca bîgiro."
Endamê Parlamentoyê Ewropa yo îtalyan Domenico “Mimmo” Lucanoyî ke Derheqê Ravêrê Aştîye û Komelê Demokratîkî de ANFyî rê erjnayîşî kerdî, vat: '' Ocalan masûm o, qet çîyêk nêkerd û seba şarê xo têkoşîn keno. Sey Nelson Mandelayî nimûneyo biheybet o.''
Lucanoyî îfade kerd ke ganî Rayberê Şarê Kurdî Abdullah Ocalan bibo aktoranê serekan ê ravêrî ra yew û vat heta ke Ocalan zîndan de bimano, çew nêeşkeno qala dîyalogêkê aştîye yê raştî bikero.
Lucanoyî îfade kerd ke têkîlîya ci 1998 de gama ke multecîyê kurdkî resayî Riace, dest pê kerd û vat: “Paştdayîşo ke bi keyeyanê vengdan de caakerdişê multecîyanê kurdan dest pê kerd bi bingeyê tecrubeyê qebulkerdişê macîran ke dima ra sey ‘’modelê Riace’’ ame namekerdene. Ez xeyrê krudan û bîya şaredar.''
Lucanoyî qala ameyîşê Rayberê Şarê Kurdî Abdullah Ocalanî yê 1998î yê Îtalya zî kerd, qerarê sîyasîyî yê ke ravêrê şîyayîşê Îmraliyî de ameyî girewtene rexne kerdî û vat: '' Ez sîyasetê Îtalya yê o wextî berpirsîyar vînena.''
Lucanoyî vat rixmo ke Rayberê Şarê Kurdî Abdullah Ocalanî xeylê wext o Îmrali de yo şarê kurdî rê girêdayîşê xo û tekoşînê azadîye domneno. Lucanoyî vat ke o sey parlamenterî azadîya Rayberê Şarê Kurdî Abdullah Ocalanî wazeno û hazir o ke seba nê pîya bi kurdan têkoşînî bikero.
