Milyonan domanê ke herêmanê şeran de yê nêresenê derzî
Goreyê raporê Rêxistina Weşîye ya Dinyayî (RWD) û UNICEF’î yo peyên, bîyaye-bîyayene dinya de rêjeyê derzîkerdişê domanan (qejan) reyna berz bîyo zî, domanê ke herêmanê pêrodayîşan û cayanê dewan ê dûrîyan de cuyenê, hema zî derzîyanê bingehînan nêresenê.
Goreyê raporê WUENIC’î yê 2025î, domananê binê yew-serreyî ra %90 derzîya difterî-tetanoz-xewexêkî (DTP) ya doza verêne, %85 zî hîrê dozî pêro tekerdê. Çi heyf ke hema zî 13,5 milyon doman serra xo ya verêne de yew derzîye bîle nêgrewta, 7,3 milyon domanî zî doza derzîya DTP ya verêne grewta labelê nêresayê derzîya qelame (sorik).
Seba ewlehîye nêşikenê resenê xizmetê weşîye. Bênasazîya Rayîran Herêmanê zê Ekuador û Somalî de tîmê weşîye nêresenê dewan. Îdîayê "derzî keno qisir/tewal" seba derzîkerdişî benê asteng. Somalî û Ekuador de halê domanan, Endama UNICEF’î ya Somalî Dr. Sagal vane ke; domanê ke derzî nêbîyê, zafêrî herêmanê bêtehluke ya zî cayanê zehmetan de yê; nê domanî hem weş nêwerenê hem zî xizmetê weşîye ra bêpar ê. Ekuador ra Johao (14 serrî) zî vano ke herêma Amazonî de xirabîya rayîran û xeberê zûran bawerîya keyeyan şikitawa.
Waştîşê RWD û UNICEF’î berzkerdişê bernameyan: Herêmanê şerî de xizmetê derzîkerdişî wa bêrê quwetnayene.
Têkoşînê hemverê zûran: Hemverê xeberanê xeletan de wa cemat bêro zanayene.
Paştgirîya finansî: Fona weşîye ya mîyaneteweyî wa bêro zêdekerdene.
Sîstemê taqîbî: Sîstemê taqîbkerdişê nêweşîyan wa bêrê ronayene.
Catherine Russell (UNICEF):"Ganî ma biresê her domanî û ca ke bawerîye çin a, ma reyna awan bikê. Çew doman gani bi nêweşîyêka ke derzîye ra şikena bêro çareserkerdene, nêmiro."
