Meclîsê Keyeyanê Şehîdan: Ziwanê ma estbîyayîşê ma yo, nêbeno ke kêm bêro vînayîş

Meclîsê Keyeyanê Şehîdan şaristananê Qamişlo, Amûdê, Dêrik, Çilaxa û Tirbespiyê de derheqê qerarê Wezaretê Perwerde û Musnayîşî yê hukmatê vîyartî yê Sûrîyeye de ke 27ê Tebaxe de seba dayîşê tenya 3 dersanê ziwanê kurdkî yê hewteyî dîyayo, eşkerayîyêke daye.

QAMIŞLO

Qamişlo de eşkerayîye banê Meclîsê Keyeyanê Şehîdan de hetê endamanê Meclîsî ra, bi kurdkî hetê Zozan Sarîke ra û bi erebkî zî hetê Şêrzad Remoyî ra ameye wendiş.

DÊRIK

Dêrik de eşkerayîye verê xeymeyê çalakîye yê ke hetê Însîyatîfê Şarî ra verê Mektebê Yûsif El Ezmî de ameyo ronayîş de, hetê wendekare Renda Hacê ra ameye wendiş.

AMÛDÊ

Amûdê de eşkerayîye verê banê Meclîsê Keyeyanê Şehîdan de, hetê endamanê Meclîsî ra bi kurdkî Cîlan Yûsif û bi erebkî hetê Ebdulqadir Şêxmûsî ra ameye wendiş.

TIRBESPIYÊ

Tirbespiyê de eşkerayîye verê banê Meclîsê Keyeyanê Şehîdan de hetê wendekare Nejbîr Îsmaîl ra ameye wendiş.

ÇILAXA

Çilaxa de eşkerayîye verê navenda Meclîsê Keyeyanê Şehîdan yê Resafê de, hetê endamanê Meclîsî ra bi kurdkî Ahîn Şwêş û bi erebkî Ferîda El Seîd ra ameye wendiş.

HESEKÊ

Hesekê de eşkerayîye verê banê Meclîsê Keyeyanê Şehîdan de hetê endama Meclîsî Guljîn Ehmê ra ameye wendiş.

DIRBÊSIYÊ

Dirbêsiyê de eşkerayîye hetê endamanê Meclîsê Keyeyanê Şehîdan ra, bi kurdkî hetê Îbrahîm Hesenî ra û bi erebkî hetê Dîlber Mihemede ra ameye wendiş.

Zerreyê eşkerayîye wina yo:

“Qonaxêka wina tarîxî û qederî de ganî îradeyê hemparî yê şinasnayîşê nasnameyan bibo bingehê ameyoxê welatî, ma zey Meclîsê Keyeyanê Şehîdan qeraranê Wezaretê Perwerdeyî yê hukmatê vîyartî dir rî bi rî manenê. Nê qerarê ke wazenê ziwanê kurdkî sînoranê çend saetanê sembolîkan de bifetisniyê, nê gamî mîras û dewamê eynî ferasetê yewperest û asîmîlasyonî yê. Gonîya fîrazî ya keyna û lajanê ma yê ke vera tarîtîye bedena xo kerde mertal, nê seba 3 saetan ameye rijnayîş ke ewro ziwan û estbîyayîşê ma bibo babetê tawîz û sîyasetê dûrvistişî. Ziwanê kurdkî tenya yew amûrê têkilîye nîyo; o bingehê estbîyayîşê ma, nasnameyê şarê ma û esaletê tarîxê ma yo. Nê bingehî ser o, ma nê xalan destnîşan kenê:

Redkerdişê qeraranê şovenîstan: Ma qerarê kêmkerdişê dersanê ziwanê kurdkî bi şidet red kenê û na gama peyserşîyoxe zey îxlalkerdişê rasterastî yê Peymanê 29ê Çeleyî û estbîyayîşê şarê Kurdî erjnenê.

Ferzkerdişê perwerdeyê bi ziwanê dayîke: Ma wazenê ke ziwanê kurdkî pîya bi ziwanê erebkî de herême de seba heme lîseyan û astanê wendişî bibo ziwano fermî û yê perwerdeyî.

Xirabkerdişê sîyasetê bedelnayîşê demografîkî: Her hewldanê seba bedelnayîşê nameyanê kurdkîyî yê herêman yan zî qiskerdişê têkilîya domananê ma bi ziwanê înan ê dayîke, aştîya komelkî û birayîya şaran ser o yew xetereyêko pîl o.

Ma zey keyeyanê şehîdan reyna vanê ke ziwanê ma estbîyayîşê ma yo, ma do şopê şehîdanê xo ser o bê û vera her tewir sîyasetê înkarî de, têkoşînê xo yê meşrû û demokratîkî heta serkewtişî xurt bikerê.”