Maçê Amedspor û Duhokî de dostanîye qezenc kerd: Dîagneyî golê xo eşt
Amedspor û taximanê Herêma Kurdîstanî ra Duhok SC, çarçeweya maçê amadeyîye de Stadyumê Ataturkî yê İsparta de ameyî têver.
Maço ke Dîagneyî zî tede gol eşt û sey kaptanî vejîya seha, nê maçî de Amedsporî taximê Duhokî 2-0 kerd mexlûb.
Goreyê xebera Amedîhaberî; Amedspor, çarçeweya amadeyîya Super Lîgî de transferanê neweyan reyde awankerdişê kadroyê xo keno dewam û ewro Duhoksporî reyde vejîya yew maçê dostanîye yo muhîm. Dîrektorê Teknîkî Besnîk Hasî, vera Duhok SC’yî de kale de Alban Lafont, pawitiş de Umut Meraş, David Bates, Mehmet Yeşîl û Berk Kizildemîr, rasta de Ryan Raveloson, Furkan Soyalp, Erma Klasniqi, Dia Saba û Daniel Moreno, xeta hucûmî de zî Mbaye Dîagneyî reyde vejîya seha.
Nêmeya verêne de di golî
Amedspor, golanê Cem Ustundagî (o ke verî kulubeya yedekan de asayêne la nêmeya verêne ya maçî de bi daxilê kayî) yo ke deqiqaya 19. de eşt û Mbaye Dîagneyî (o ke çarçeweya amadeyîyanê Super Lîgî yê Amedsporî de maçê xo yê amadeyîye yo verên kerd) yo ke deqiqaya 27. de eştî reyde 2-0 kewt ver. Devreya diyine ya maçî de tu gol nêbi û maç vera Duhoksporî de bi serkewtişê Amedsporî yo 2-0 qedîya.
