Leşkeran Goristanê Şehîd Binevşî yê Gabarî ser o hêriş kerd
Goristanê Şehîd Binevşî yo ke Koyê Gabarî yê Şirnexî de yo, hetê leşkeran ra rastê hêrişî ame û ame xirabkerdene. Goristan serra 2015î de zî rastê hêrişî ameybî.
Ame dîyarkerdene ke Goristanê Şehîd Binevşî ke Koyê Gabarî de, nêzdîyê dewa Basretî de yo, ame xirabkerdene. Ame vatene ke zaf kerrayê goran ke nameyî ser o nuşte yê, ameyî şiknayene.
Dîmenan de ke yeno vatene yê goristanî yê, aseno ke zaf kerrayê goran ameyî parçekerdene. Goristan serranê 2010-2014î de ame awankerdene. Ame dîyarkerdene ke zaf gerîlayê PKK’yî yê ke pêkewtişanê herême de şehîd bîyî, tîya de ameyî defnkerdene.
Goristan serra 2015î de zî rastê hêrişî ameybî û a game bi bombebaranê hewa û erdî ameybî xirabkerdene. Nêzdîyanê şehîdan ke xebera xirabkerdişê goristanî girewte, vera hêrişî reaksîyon da.
