Kovara Modernîteya Demokratîke nêdîyaye hepso sîyasî

Kovara Modernîteya Demokratîke, bi bahaneya ke Rayberê Şarê Kurdî Abdullah Ocalanî rê ca dayo, hetê Îdareyê Zîndanê Asayîşê Berzî yê Bucayî ra nêdîyaye hepso sîyasî. Hepso sîyasî 28 serran Mehmet Nurî Tanışo ke zîndan de yo, na rewşe bi mektuba ke erşawite Nuray Çevîrmen Aykole arde ziwan. Nuray Çevîrmen Aykole, kuncikê "Zere ra" yê Yeni Yaşamî yo ke rojnameger Huseyin Aykolî ke weşîya xo kerda vîndî ra mendo, dewre girewto û ramena.

Tanişî da zanayene ke wextêko derg o kovare nêdîyayêne înan û abonetîye nêameyêne kerdene, labelê peynîya xeylêk hewldanan de ey eşkero abonetîya kovare bikero. Tanişî ard ziwan ke abonetîye rê raxm zî kovare nêameye resnayene ey. Tanişî pare kerd ke îdareyî seba na rewşe bahaneya "nuşteyê ke kovare de yê, înan de cayê Abdullah Ocalanî ameyo kerdene" daya vernî, bi nê sebebî ra kovare mehsurdar dîya û nêdaya ey.