Koreyo Vakur Deryayê Japonî ser o fuzeyo balîstîk eşt
Ame vatene ke Koreyo Vakur, herêma Wonsanî ra hetê Deryayê Japonî ser o fuzeyo balîstîk eşto.
Koreyo Vakur, kinarê rojhelatê welatî ra hetê Deryayê Japonî ser o fuzeyo balîstîk ê menzilkilmî eşt. Artêşa Başûrê Koreyî, eşkerayîya xo ya verêne de dabi zanayene ke tewirê çiyê eştî nêameyo tespitkerdene. Dima ke cigerayîşo teknîk ame kerdene, ame tesdiqkerdene ke o çi fuzeyo balîstîk ê menzilkilm o.
Erkanê Pêroyî ya Başûrê Koreyî eşkera kerd ke vera îhtimalê eştina neweye ya Koreyo Vakur de faalîyetê şopnayîşî ameyê zêdekerdene. Ame vatene ke melumatê derheqê ceribnayişê fuzeyî de, DYA (Amerîka) û Japonya reyde ameyê barekerdene.
Wezaretê Pawitişî yê Japonya zî tesdiq kerd ke Koreyo Vakur fuzeyo balîstîk eşto. Wezaretî da zanayene ke fuze nêkewto herdê Japonya yan zî awanê dormeyê cı. No ceribnayiş, verê tatbîqatanê eskerîyan ê hemparan de ame kerdene ke DYA û Koreyo Başûr amadeyî kerdêne virazê.
