Konseya Ewropa: Ganî goreyê peymane têbigêrê
Komîteya Wezîran a Konseya Ewropa, kombîyayîşê 15-16ê Êlule ya derheqê qerarê Mehkemeya Heqê Merdiman ê Ewropa seba Fîgen Yuksekdag û Selahattîn Demîrtaş de, vengdayîşê Tirkîya kerd ke bi hawayêko bilez Fîgen Yuksekdag û Selahattîn Demîrtaş veradê û ganî goreyê peymane têbigêrê.
Komîteya Wezîran Konseya Ewropa, kombîyayîşê 15-16ê Êlule ya derheqê qerarê Mehkemeya Heqê Merdiman ê Ewropa ke seba Fîgen Yuksekdag û Selahattîn Demîrtaşî dayo, vengdayîşê Tirkîya kerd ke bi hawayêko lezabez Fîgen Yuksekdag û Selahattîn Demîrtaşî bêrê veradayene. Komîte maddeya 46. ya Peymana Heqê Merdiman ardê vîr û va ke heme dewletê ke endamê peymane yê, ganî goreyê peymane têbigêrê.
Sewbîna komîteye bale ante qanûnê çarçewa yê têkilîdarê prosesê Aştî û Komelê Demokratîkî ke Meclîsî ra vîyarto û va ke badê ke qanûn virazîya, cezayê kesanê ke dewaya PKK/KCK’yî de ameyê girewtene, do bêro taloqkerdene. Sewbîna komîteye waşt ke Tirkîya derheqê Selahattîn Demîrtaşî de zî agahkerdişêko hîra bikero ke o zî nê qanûnê ra îstîfade bikero. Komîteye waşt ke o qanûn bi ca bêro û vengdayîşê Tirkîya kerd ke Fîgen Yuksekdag û Selahattîn Demîrtaş lezabez bêrê veradayene.
