KJARî programê xo yê çalakîyan eşkera kerd

Komela Cinîyan ê Azadan a Rojhelatê Kurdîstanî (KJAR) bi eşkerayîyêke programê çalakîyan ê serrgêra çarine ya şorişê "Jin, Jiyan, Azadî" da zanayene û seba beşdarîye veng da.

KJARî eşkerayîya xo de ard ziwan ke şorişê "Jin, Jiyan, Azadî" ra çar serrî vîyartî û no şorişo bêqutnayîş hereketê azadîwazî yê Rojhelatê Mîyanênî resnayo merheleyêka newîye: "No serewedartişo ke merkezê ci cinî ya, vera sîstemê camêrdserdestî bi sloganêko tarîxî dest pêkerd û mizgînîya komelêko azad û zafvengî yê bingeyê azadîya cinîyan ser o dano. Meşaleya nê têkoşînî ke qewetê xo fedakarîya cinî û ciwananê bişûûran ra gêna, hema zî ganî ya û sînoranê cografîk û neteweyîyan vîyarnayo. Serrgêra nê şorişê komelkî seba nirxnayîşê destkewtan, xorînkerdişê şûûrî û caardişê amancanê pîrozan firsendêko newe yo."

KJARî ard ziwan ke caardişê mesajanê şorişî her wextî ra zêdeyêr hewcedarê yewîye, rêxistinbîyayîş û stratejîyanê hemparan ê mabênê heme qewetanê têkoşeran o û venga heme rêxistin, partî, aktîvîstê cinîyan û beşanê azadîwaz û demokratan dayî ke serrgêra çarine bi yew vengî pêşwazî bikerê.

Programê çalakîyan

• Seba yadkerdişê şehîdanê rayîrê azadî û demokrasîye weşanayîşê kitabê "Pêla kolanê" (verê ney di cildî ameyî weşanayene).
• Çapkerdişê hûmaranê taybetîyan ê kovaranê Jinên Rojhilat û Jineolojî.
• 6 û 13ê êlule de bi beşdarîya 30î ra zêdeyêr aktîvîstanê cinîyan bi sernameyê "Jin Jiyan Azadî konferansêko onlayn ê di rojan: Destkewtan ra heta pênasekerdişê ameyoxî".
• Welatanê cîyayan ê Ewropa de bi sloganê "Bi yew vengî: Jin, Jiyan, Azadî" rayîrşîyayîşê protestoyî.
• Dîyarkerdişê sembolêko hempar ê mabênê 16 rêxistinanê cinîyan ê Îranî û çalakîyan de şuxulnayîşê ci.
• Seba piştîdayîşê cinîyanê têkoşeran ê Kurdîstan û Îranî semîner û webînarî.
• 16ê êlule de seba yadkerdişê şehîdan her ca de veşnayîşê mûman.
• Kurdîstan û Rojhelatê Mîyanênî de seba girdkerdişê çalakîyanê hemparan hemkarîya platform û dormeyan ke KJAR tede ca gêno,