Kitabê Abdullah Ocalanî bi îngilîzkî û swêdkî ameyî weşanayene
Eserê Rayberê Şarê Kurdî Abdullah Ocalaî yo bi nameyê "Krîzê Medenîyetî yê Rojhelatê Mîyanênî û Çareserîya Medenîyetê Demokratîkî" hetê PM Pressî ra bi îngilîzkî ame weşanayene. Çapa swêdkî ya "Manîfestoyê Medenîyetê Demokratîkî, Cild 3: Sosyolojîya Azadîye" zî 4ê teşrîna verêne de Stockholm de do bêra daşinasnayene.
Çapa îngilîzkî ya kitabê Rayberê Şarê Kurdî Abdullah Ocalanî yo bi nameyê "Krîzê Medenîyetî yê Rojhelatê Mîyanênî û Çareserîya Medenîyetê Demokratîkî" ameye weşanayene. Eser bi nameyê "The Civilizational Crisis in the Middle East and the Democratic Civilization Solution: Manifesto of the Democratic Civilization, Volume IV" hetê PM Pressî ra resa wendoxan.
Sosyolojîya Azadîye bi swêdkî
Çapa swêdkî ya eserê Rayberê Şarê Kurdî Abdullah Ocalanî yo bi nameyê "Manîfestoyê Medenîyetê Demokratîkî, Cild 3: Sosyolojîya Azadîye" zî ameye weşanayene. Kitab bi nameyê "Manifest för en demokratisk civilisation, volym 3: Frihetens sociologi" ame weşanayene. Kitab bi hemkarîya Heval Förlag û Federativ Förlag ame tadayene bi swêdkî. Heval Förlag weşanxaneyê Komîteyanê Rojawanî yo.
4ê Teşrîna Verêne de paytextê Swêdî Stockholm de seba kitabî çalakîyêka daşinasnayîşî do bêra kerdene. Tadayoxê kitabî Tomas Petterson, nuştoxo sîyasî Gabriel Kuhn û endamêkê Akademîya Modernîteya Demokratîke do beşdarê çalakîye bibê.
Daşinasnayîş 4ê Teşrîna Verêne, roja yewşemeyî, seate 12.00-16.00 de, salona Katasalen a ABF-husetî de (Sveavägen 41) do bêro kerdene.
