Kirmaşan de 2 erdlerzî
Beldeya Kuzeranî ya Kirmaşanî de di erdlerzê peyserî qewmîyayî.
•
1 deqe xwendin
Goreyê xeberanê medyaya Îranî, Rojhelatê Kurdîstanî de bajarê Kirmaşanî de di erdlerzî qewmîyayî. Badê erdlerzê verênî ke merkezê ci beldeya Kuzeranî bî, erdlerzo dîyin bi girdîya 5.7î qewmîya.
Ame resnayene ke erdlerz 8 kîlometre xorînîye de, Kuzeranî ra 17 kîlometre û Rawanserî rê 26 kîlometre dûrî de bî.
Derheqê zîyan yan vindîkerdişê ganî yê erdlerzî de ke merkezê ci Kirmaşanî ra 65, Sine ra 98 kîlometre dûrî bî, malumat nêame girewtene.
Erdlerzo ke şaristananê Îlam, Hemedan, Sine û Lorîstanî yê Rojhelatê Kurdîstanî ser o tesîr kerd, Silêmanî û Helebceyê Başûrî de zî ame hîskerdene.
