Kemal Demirbaş badê 30 serran ame tehlîyekerdene: Proses do ser bikewo
Kemal Demirbaş 1996 de rîyê falîyetanê sîyasîyan ra ame tepiştene û 36 serrî ceza dîyaye ci, ame tehlîyekerdene. Demîrbaşî vat, ‘’ Ez bawer kena ke prosesê haştîye do ser bikewo.’’
Kemal Demîrbaşo ke 30 serrî zîndan de mend, Zîndanê Doşemealti yê Antalya ra ame tehlîyekerdene.
Demîrbaş 1996 de Sêwas de rîyê falîyetanê sîyasîyan ra amebi tepiştene û hetê Mehkemeya Asayîşî ya Dewlete ya Erziromî ra cezaya 36 serran dîyaye ci. Demîrbaşo ke 30 serrî zîndan de mend, Zîndanê Doşemealti yê Antalya ame tehlîyekerdene. Demîrbaş hetê keyeyê xo û endamanê TUHAY-DERî ra verê zîndanî de ame verwazîkerdene.
Demîrbaşî bale ante tradîsyonê xoverdayîşî yê zîndanan ser û vat, ''Ma cehd kerd ke bi mîrasê ke înan ma rê verda, cuya xo ya zîndanî dekerde bivîyarne. No eşqê azadîye bi Rayber Apoyî dest pê kerd û mi 30 serrî no xo rê esas girewt. Ez bawer kena ke no proses ser bikewo.''
