Karkerê amedijî yo ke înşaat ra kewt, Meletî de zî 2 karkerî binê herre de mendî

Hedîse, vizêr saetanê roje de mahaleya Gulagzî ya qezaya Ula ya Mugla de ame meydan. Karkerê înşaatî Mahsum Ozdemîro 37 serre, nezdîyê hîrê metreyî berzîye ra dengeya xo vîndî kerde û kewt. Ozdemîro ke sereyê xo da erdêkê wuşkî ro, giran birîndar bi.

Serê xeberdayîşê hemkaranê ey ê karî ra, ekîbê weşîye ameyî cayê hedîseyî. Ozdemîro ke berdî Nêweşxaneyê Perwerde û Cîgeyrayîşî yê Mugla, odeyê pawitişê hurî. Mahsum Ozdemîr, pêro têkoşînê doktoran ra pîya zî nêame xelisnayene û cuya xo vîndî kerde. 

Ame zanayene ke Mahsum Ozdemîro ke dewa Belenî ya qezaya Hênî ya Amedî de ameyo dinya û keyeyê xo tayê wext verî koçê Mugla kerdo, înşaat de xebitiyayîşî reyde debarê xo kerdêne. Karkero ciwan o ke Mugla de ame definkerdene, serweşîyê ey zî taxa Madenlerî ya qezaya Yataganî de ameyî qebûlkerdene.

Meletî de 2 karkerî binê herre de mendî

Seba ke şima xeberanê ma yê taybetan û geşepêdayîşanê roje yê girîngan nêvîrnê, xebatê geyrayîşî yê seba 2 karkeranê ke rijyayîşê înşaatê keyeyan ê Meletî de binê herre de mendê, dewam kenê. Şaristan de înşaatêkê keyeyan o ke viraştîşê ey dewam keno de, bi sebebêko ke hema nêameyo zanayene rijyayîş ame meydan. Weqta rijyayîşî de 2 karkerê ke uca de bîyî, binê herre de mendî. Serê xeberdayîşî ra zaf ekîbê xelisnayîşî sewqê cayê hedîseyî ameyî kerdene. Ekîban seba karkeran xebata geyrayîş û xelisnayîşî dayê meşnayene.