Karasu: Qanûn de bewlînêkerdişê rolê Rayber Apoyî kêmîye ya
Mustafa Karasuyî îfade kerd ke qanûnê çarçewe de bewlînêkerdişê rolê Rayber Apoyî kêmîye ya û vat, ‘’Eke Rayber Apo merkezê nê karî de nêbo, rayraberdiş û îdarekerdişê ci de rol kay mekero, çîyê ke qanûn de qala ci yena kerdene caardişê ci mumkun nîyo.
Endamê Konseya Rayberdiyî ya KCK’yî ke programêkê taybetî yê Medya Haber TVyî de qisey kerd, derheqê qanûnê çarçewa û averşîyayîşê prosesî de erjnayîşê muhîmî kerdî.
Karasuyî îfade kerd ke qanûnê çarçewa despêkerdişêk o la qanûnê çareserkerdişê meseleya kurdan nîyo û vat prosesê nika ra peyî ganî bingeyê demokratîkbîyayîşî û çareserîya meseleya kurdan de bêro averberdene.
Karasuyî vist vîrî ke proses bi vengdayîşê Haştîye û Komelê Demokratîkî yê 27ê sibata 2025î ame destpêkerdene û vat qanûn badê serrêke û nîme ame meclîs ke no îqtîdar derheqê demokratîkbîyayîş û çareserîya meseleya kurdan de îradeyê qîmkerde û qerardarî nêfîneno meydan.
Karasuyî îfade kerd ke xeylê hetê qanûnî est ê ke yenê rexnekerdene û vat: ‘’ No qanûn, qanûnê çareserîya meseleya kurdan nîyo la gerek sey gama verêna ke waştiş û tewirê ci yo, bêro erjnayene .
Mustafa Karasuyî îfade kerd ke qanûnê çarçewe de bewlînêkerdişê rolê Rayber Apoyî kêmîye ya û vat, ‘’Eke Rayber Apo merkezê nê karî de nêbo, rayraberdiş û îdarekerdişê ci de rol kay mekero, çîyê ke qanûn de qala ci yena kerdene caardişê ci mumkun nîyo.
Karasuyu ard ziwan ke kemîya zaf pîl a ke qanûn de qala meseleya kurdan nîna kerdene, bale ante muhîmîya prosesî yê nê demî ra peyî ser û vat, ‘’ Ma bi qetî wazenê ke prosesî ser bifînê. Eke yeno waştene ke problemêkê seserre bêro çareserkerdene, gerek ziwan, uslub û nizdîbîyayîş bêrê bedilnayene. Heta ke ziwan nêro bedilnayene, uslub nêro bedilnayene, nizdîbîyayîş nêro bedilnayene mumkun nîyo ke haştîye bêro averberdene. Şuxulnayîşî ‘’terorîst’' û ‘’ rêxistina terorî’’ goreyê ruhê prosesî nîyo.
Proses gerek ver bi demokratîkbîyayşî aver şiro. Sernameyanê tewr muhîman ê prosesî ra yew rolê Rayber Apoyî yo. Qanûn de bewlînêkerdişê rolê Rayber Apoyî kêmîye ya. Seba serkewtişê prosesî gerek gerek Rayber Apo rolo aktîf kay bikero. Seba ke qanûnê çarçewa bireso manayê xo yê raştî, gerek gamê demokratîkî bêrê eştene. Rayîrê sîyasetê demokratîkî zî demokratîkbîyayîşê ra vîyareno. Prose gerek têna serê gamanê dewlete ra nêro ejrnayene, gerek şarê kurdî û hêzê demokrasîyî yê Tirkîya zî mîyanê prosesî de ca bîgirê. Demokratîkîbîyayîş sey lutufî nêbeno, bi têkoşîn û patşdayîşê komelkî beno.''
