Kanal Stenbol de montajo verên dest pêkerd
Rayîrê Kanal Stenbolî de Pirdê Sazlibosnayî ser o montajê tableyanê pola yê 250 tonan dest pêkerd. Pêro pîya 17 tableyan ra yê 11inî pirdî ser o ca dîyayî. Plan beno ke xebata montajî peynîya na serre de biqedîyo. Projeyo ke mîyanê nîqaşan de yo, bi înşaetê nê pirdî reyna kewt roje.
Heto bîn ra, dormeyê Sazlibosna û Hacimaşliyî de projeyê banan ê TOKÎ dewam kenê. Nê projeyan de pêro pîya 36 hezar û 628 banî estê. Wezaretîya Dormeyî eşkera kerd ke wexto ke nê projeyî biqedîyê, nêzîyê 150 hezar kesî do nê bananê neweyan de biciwîyê. Dîmenê droneyî zî nîşan danê ke înşaetê xeylê blokan qedîyayî.
Ravêrê huqûqî yê projeyî hema nêqedîyayo. Daireya 4ine ya Daniştayî, dewaya îptalkerdîşê qerarê 'ÇED Pozîtîf'î de, qerar da ke raporê îlaweyî yê pisporan bêro girewtene. Adara 2026ine de bi nê qerarî raverê cigêrayîşê pisporan ame akerdene. Çimeyê awe, rîskê erdlerzî, hezaz û tesîrê dormeyî mîyanê babetanê muhîman ê nê dosyeyî de ca genê.
