Kalkan: Ganî her kes hîsgêr nizdîyê prosesî bibo

Endamê Akademîya Zanîstê Sosyalî ya Abdullah Ocalanî, Duran Kalkanî programêkê taybetî yê televîzyonê Medya Haberî de deheqê rojdemî de erjnayîşê muhîmî kerdî.

Kalkanî bale ante merhaleya prosesê Haştîye û Komelê Demokratîkî ser û vat, hetî seba averberdişê prosesî dahîna zelal û qerardar ê. Kalkanî îfade kerd ke hem eşkerayîya Serekkomarê Tirkîya de hem zî eşkerayîya Rayber Apoyî de na rewşe eşkera ameye îfadekerdene. Kalkanî bale ante  cehdkerdişê provokatîfî yê vera proesî ser û vat bitaybetî hetê rantî û herê nîjadperestî demê peyênî de xeylê hetan ra hêriş kenê. Kalkanî ard ziwan ke nê hetî tim cehd kenê ke prosesî sabote bikerê û vat hetê ke xo sey çepe, sosyalîst, demokrat vînenî, paştdayîşê prosesî de kêm mendî.

Kalkanî îfade kerd ke yadkerdişê şehîdan ke tarîx û cayanê cîya cîyayan de şehîd bîyî, muhîm o û vat, ‘’Eslê xo de nê aktîvîteyê şarê kurdî şehîdanê xo yad keno, seba raşt famkerdişê şehîdan û caardişê waştişanê şehîdan muhîm o. Nê aktîvîteyan merdim eşkeno waştiş û têkoşînê şehîdan raşt fam bikero û seba ke înan roja ma de bido domnayene, ganî rêxisitnîye bêro averberdene. Kalkanî îfade kerd ke ganî proseso newe zî na çarçewa de bêro destgirewtene û vat, verê komelê rêxistinkerdeyî bêro akerdene.

Kalakanî seba tewrbîyayîşê Festîvala Kulturê Kurdan ke do 5ê êlule de bajarê Dormtundî yê Almanya de bêro kerdene, veng da û vat, bitaybetî muhîm o ke şarê kurdî ke binê qirkerdişê kulturî de, vera înkar û îmhayî têkoşîn keno, wina aktîvîteyanê kulturî keno. Kalkanî vat nê festîvalî vera qirkerdişê kulturî metodo tewr bitesîr ê têkoşînî yo.

Kalkanî qala kampanyaya ciwanan a Şiyar Be zî ser û vat, vera hêrişanê  şertê taybetî yê serê komelî, têkoşîn ganî dahîna xurtêr bêro rayraberdene û vat, ‘’  Ganî ciwanê ke xo ra vanê şorişgêr, welatperwer û Apoyî nê têkoşînî bêçeke bikerê. Vera hêrişanê şerê taybetî, ganî rêxistinkerde, zanaye têkoşîn bêro kerdene.''