Kabîneya Serokkomarîye ewro kom bena

Kabîneya Serokkomarîye ewro bi serekîya Serokkomar Tayyîp Erdoganî Beştepe de kom bena. Yeno pawitene ke madeyo sereke yê rojeve tehqîqatê fonî bo; hetê malî û edlîyî yê tehqîqato ke Serdozgerîya Komare ya Îstanbulî derheqê krîzê fonî de rameno, kombîyayîşî de yenê nirxnayene û Wezîrê Xezîna û Malîye Mehmet Şîmşek û Wezîrê Edaletî Akin Gurlek derheqê merheleya tehqîqatî de endamanê kabîne haydar kenê. Gamê ke seba mexdûranê krîzê fonî yenê eştene û tedbîrê îdarî û fînansî yê ke seba newe ra nêciwîyayîşê rewşanê winasîyan yenê plankerdene zî yenê nirxnayene.

Rojeva kabîne de sernameyê polîtîkaya teberî zî est ê: Erdogan derheqê têhetameyîşanê xo yê Zîrweya Neteweyanê Yewbîyayeyan de endaman haydar keno; şerê Ûkrayna-Rûsya û asayîşê seyrî yê Deryayê Sîyayî, tansîyonê DYA-Îranî û cehdê adirbestî, hêrişê Hûsîyan ê vera Erebîstanê Siûdî û averşîyayîşê Gazze zî yenê qiseykerdene. Bê nînan yeno pawitene ke verê serra newîye ya qanûndanîşî ke 1ê teşrîna verêne de dest pêkena, pêşnîyazê qanûnan ê pêşengî yê ke seba rojeva Meclîsî yenê plankerdene zî bêrê nirxnayene.