JINNEWS: 27 cinî û 6 domanî ameyî kiştene
JINNEWS eşkera kerd ke aşma êlule de 27 cinî û 6 domanî ameyî kiştene, 10 cinî û 6 domanî zî bi şeklêko şikdar merdî.
Goreyê lîsteya êlule ya ke JINNEWS arê kerda, tewr kêmî 27 cinî û 6 domanî ameyî kiştene; 10 cinî û 6 domanî zî bi şeklêko şikdar merdî. Cinîyan ra 12 hetê mêrdeyanê xo ra, 3 hetê mêrdeyanê ke prosesê caverdayîşî de bîyî ra, 4 hetê mêrdeyanê ke ci ra cîya bîbî ra, 1 hetê camêrdêkê ke verê cû pîya bî ra, 1 hetê endamêkê keyeyî ra, 1 hetê zamayê xo ra, 1 hetê mêrdeyê waya xo ra û 1 zî hetê kîradarê xo ra ameyî kiştene. Nêzdîyîya 3 cinîyan bi faîlan reyde eşkera nêbîye.
Şaristanê ke cinî tede ameyî kiştene nê yê: Manîsa de 3, Amed de 2, Antalya de 2, Sakarya de 2, Adana de 1, Ankara de 1, Çorum de 1, Denîzlî de 1, Dîlok de 1, Êlih de 1, Hatay de 1, Isparta de 1, Îstanbul de 1, Kocaelî de 1, Konya de 1, Kutahya de 1, Mereş de 1, Mersîn de 1, Mugla de 1, Osmanîye de 1, Tekîrdag de 1 û Xarpêt de 1 cinî.
