Îranî hêrişê partîyanê Rojhelatî kerd
Rejîmê Îranî ewro saetanê serê sibayî de Silêmanî de pê droneyanê kamikaze hêrişê merkezê Komeleya Zehmetkêşên Kurdistanê kerd.
Endamê Komîteya Merkezê Komeleya Zehmetkêşê Kurdistanê Emced Hisên Penayî da pêhesnayene ke rejîmê Îranî de vera baregehanê partîyanê Rojhelatê Kurdîstanî pê droneyanê kamikazeyî hêrişo hîra kerd.
Emced Hisên Penayê ke ajansê xeberan ê Rojnewsî rê qisey kerd, vat herêma Bangewre ke nizdê Zirguwêzî de yo vera banê endamêkê înan ke akademîya sîyasîye de wezîfe keno, hêriş ame kerdene. Emced Hisên Penayî vat hêrişan de vînîbîyayîşê ganî çîn o.
Badê şerê mabênê Amerîka-Îsraîl û Îranî ke sibata 2026î de ame destpêkerdene, rejîmê Îranî vera Başûrê Kurdîstanî pê fuze û SÎHA’yan bi seyan hêrişî kerdî. Nê hêrişan de 30 ra zafêr kesan dinyaya xo bedilnaye û nizdê 160 kesî zî birîndan bîyî.
