Îran ra derheqê keştîyanê BAE’yî yê ke Hurmuz de dîyayî piro de eşkerayîye
Îranî da zanayene ke, Tengava Hurmuzî de 3 tankerê petrolî yê Emîrtîyanê Ereban ê Yewbîyayeyan (BAE) ameyî hedefgirewtene, semedê ci zî no yo ke nê keştîyî lîsteya nêahengîye ya Îdareyê Rayîrê Awe yê Korfezê Basra ke Îranî nayo ro de, ca genê.
Hewteyo peyên de Tengava Hurmuzî de xeylê tankerê petrolî dîyayî piro. Derheqê babete de notê agahdarîye yê ajansê xeberan Mîzanî de ame dîyarkerdene ke, 3 keştîyê peyênî yê ke dîyayî piro, ê Emîrtîyanê Ereban ê Yewbîyayeyan (BAE) ê. Eşkerayîye de ame vatene ke keştîyê ke ameyî hedefgirewtene, lîsteya nêahengîye ya Îdareyê Rayîrê Awe yê Korfezê Basra (PGSA) yo ke Îranî nayo ro de ca genê.
Xebere de wina ame vatene: “Rojanê peyênan de Tengava Hurmuzî de xeylê tankerê petrolî yê cîya-cîyayî rastê hêrîşan ameyî; hîrê bîyeranê peyênan de, keştîyê ke mulkîyetê BAE’yî de yê yan zî hetê BAE’yî ra ameyê kirekerdene, ameyî hedefgirewtene. Cîgerayîşê ke ameyî kerdene mojna ke tankerê petrolî yê bi nameyê ‘Al Ruwais’, ‘Sinbad’ û ‘Mersin Prosperity’ di menganê peyênan de Tengava Hurmuzî ra xeylê rey vîyartê. Yewna xususo ke dîqat anceno zî no yo ke, nameyê nê hîrê tankeran halê tewr rocaneyî yê lîsteya nêahengîye ya Îdareyê Rayîrê Awe yê Korfezê Basra (PGSA) de zî ca genê.”
