Hûsîyan bi êrîşanê xo yê vera Erebîstana Siûdî de 73 kesî birîndar kerdî
Erebîstana Siûdî eşkerayîyêke de da zanayene ke êrîşanê Hûsîyan de 73 kesî birîndar bîyê.
Koalîsyonê bi serkêşîya Erebîstana Siûdî eşkerayîyêke daye û vat ke êrîşanê Hûsîyan ê ke Îranî ra paştîgênê de 73 kesî birîndar bîyê. Verfekê Koalîsyonê Ereban Tûxgeneral Tûrkî el-Malikî, hesabê xo ê serê platformê medyaya dîjîtale Xî de eşkerayîyêke da. Malikî da zanayene ke hewldayişê Hûsîyan ê vera Erebîstana Siûdî, welatîyan û kapasîteya millîye, tevrêko bêberpirsîyar û dişmentî yo.
Malikî dîyar kerd ke êrîşê pevênî yê Hûsîyan ê vera tesîsanê sivîl û ticarîyan ê bajaranê Ebha, Xamîs Muşeyt, Cazan û Necranî de 73 kesî birîndar bîyê. Malikî îfade kerd ke nê êrîşî serdestîya Erebîstana Siûdî aşkere neheqîye kenî, ewleyîya ey xeripnenî û dîyar kerd ke ê do nê êrîşan rê bersivêke bidê.
